Монгол залуугийн Германд үйлдсэн жигшүүрт цуврал аллага

2016 онд Герман улсын Лейпциг хотод хүний амь нас хохироосон аймшигт гэмт хэрэг гарч, тус хотын оршин суугчдыг гүн шоконд оруулж байв. Уг хэрэгт Монгол Улсын иргэн холбогдсон бөгөөд хэргийн мөрдөн шалгах ажиллагаа болон шүүх хурлын явц Германы хэвлэл мэдээллийн хэрэгслээр багагүй цуурайтсан юм.

2016 оны хавар Лейпциг хотын дундуур урсдаг голын уснаас хүн төрхөө алдсан биеийн хэсгүүд хөвж явна гэсэн дуудлагыг цагдаагийн байгууллага хүлээж авчээ. Мэргэжлийн шумбагчид хоёр өдрийн турш шавар замаг ихтэй голын усыг хүндй нөхцөлд нарийн шалган шүүрдэж, эмэгтэй хүний маш харгисаар жижиглэн тасалж хаясан биеийн олон хэсгийг түүж гаргасан байна.

Биеийн хэсгүүдийг тоосго болон ундаг дугуйны төмрөөр хүндрүүлэн живүүлсэн байв. Шүүх эмнэлгийн шинжээчид олон өдрийн турш уг биеийн хэсгүүдийг нийлүүлэн залгаж, ДНХ-ийн шинжилгээ хийсний дүнд хохирогч нь 43 настай, Португал улсын иргэн Мария болохыг тогтоожээ.

Шинжээчдийн дүгнэлтээр түүнийг амьсгалыг нь боож хохироосон бөгөөд алуурчин цахилгаан тастагч хөрөө ашиглан биеийг нь маш олон хэсэг болгон жижиглэсэн болохыг тогтоосон байна.

Хохирогч Мария нь тодорхой тохирсон хаяггүй, архины хамааралтай, тухайн орчмын бар, уушийн газруудаар ихэвчлэн явдаг нэгэн байжээ. Цагдаа нар хотын бүх бар, уушийн газраар явж мэдээлэл цуглуулсан боловч амь нас нь хохирсонтой холбоотой тодорхой сэжигтэй мэдээлэл олоогүй байна.

Эхний хэрэг гарснаас хойш долоон сарын дараа буюу 2016 оны 11 дүгээр сард 40 настай Аня Б. гэх эмэгтэй сураггүй болсон тухай арьсан дээрх ээж нь цагдаад мэдэгджээ. Мөрдөгчид Анягийн хамгийн сүүлд үйлчлүүлсэн газруудыг хөөж шалгахад тэрээр Мариягийн хамгийн сүүлд харагдсан "Lindenau" дүүргийн нэгэн баранд байсан нь тогтоогдов.

Цагдаагийн тусгай нэгж Анягийн гар утасны мэдээлэл болон дуудлагын түүхийг шүүн харахад, сураггүй болдог оройдоо нэгэн тодорхой дугаартай хэд хэдэн удаа ярьсан байв. Уг дугаарын эзэмшигчийг тодруулахад Лейпцигт механикчаар ажилладаг, 38 настай Монгол Улсын иргэн Д.Довчин байжээ.

До…