Болсон явдал

Сайн байна уу? Та бүхэнд өөрт тохиолдсон нэг хачирхалтай, эвгүй явдлаа ярьж өгье.

Тэр жил би 8 дугаар ангид орж байсан юм. Зун болгон хөдөө байдаг настай аав, ээж дээрээ очиж тусалдаг байлаа. Би уг нь мал хариулах их дуртай. Морио унаад, дуу аялаад явж байх сайхан шүү дээ.

Гэтэл тэр жил аав маань: "Миний хүү ганц морио амраа. Хонио ямаагаа мотоциклоор хариулж байхгүй юу" гэхэд нь би дуртай, дургүй л зөвшөөрсөн юм. Үүнээс хойш хоёр долоо хоногийн дараа тийм аймшигтай зүйл болно гэж хэн мэдэх вэ дээ.

Тэр өглөө ээжийнхээ чанасан цайг уучхаад малаа урд талын нуур руу орууллаа. Үд хэвийнхэн алдад мал маань баруун хойшоо бэлчихэд нь би хураахаар явсан юм. Аав, ээж хоёр харанхуй бүрэнхий болохоос өмнө малаа наашлуулаарай гэж захисан болохоор би мотоциклоо унаад яарч гарлаа. Тэр үед жаахан ч байж, бас нэлээн хурдтай давхидаг байсан.

Гэтэл гэнэт хаанаас ч юм нэг зээр гарч ирээд миний урдуур харайдаг юм байна. Би ч хүүхэд байсан болохоор гүйцэн дээ гэсэн сахилгагүй санаа төрж араас нь хөөсөн. Тэгсэн тэр мөчид нүдний буланд нэг хар сүүдэр шиг, эсвэл зэрэглээ шиг зүйл яг арын талаас минь дагаад байх шиг цэрвэсхийгээд ирсэн. Би айж, хүйтэн хөлс чихрээд, гар салганаж эхэллээ. Юун өнөөх зээрийг хөөх.

Айсандаа хаазаа тултал дараад, эргээд хартал өнөөх ардаас явж байсан зүйл алга болчихсон байв. Ашгүй дээ гээд санаа амраад урагшаа хартал би мотоциклтойгоо онхолдож байсан. За би ингээд үхдэг юм байжээ л гэж бодсон. Хурдтай явж байсан болохоор мотоцикл маань нэг тал руугаа унаж, би рүлнээсээ тас зуу…