Сайн харвал хоёр жилийн өмнө үхчихсэн Болдоо дүрээрээ зогсож байлаа.

Сайн харвал хоёр жилийн өмнө үхчихсэн Болдоо дүрээрээ байсанд Гэрлээгийн хамаг бие нь царцах шиг болжээ.

Гэрлээгийн гадаадад суралцах хугацаа дуусаж Германаас нисэн иртэл түүний хайртай залуу Батаа түүнийг тосож авчээ.

Энэ үед түүнтэй хамт нэгэн монгол залуу бууж ирсэн нь өнгөрсөн жил суралцах хугацаа нь дууссан чиг Германд ажиллаж байгаад Гэрлээтэй танилцаж, түүнийг нутаг буцах болохоор цугтаа нутаг буцаж ирсэн Болдоо гэгч залуу байлаа.

Тэгээд тэр гурав машинд суун хотын төв орохоор явж байх хооронд Гэрлээ Батаад хандаж:
— «Хайрт минь, энэ залуутай танилц. Намайг Германд байхад надад их тус дэм болж байсан миний сайн найз Болдоо байгаа юм» гэж танилцуулжээ.

Тэгтэл хэд хоногийн дараа Батаа Гэрлээд хандан:
— «Болдоо гээд байгаа тэр залуу чинь чамд хайртай юм биш үү?» гэж хардах маягийн юм ярихад Гэрлээ:«Юуных нь хайрт минь. Тэр чинь зүгээр л миний сайн найз байхгүй юу» гэж хэллээ.

Хариуд нь Батаа:
— «Эртээд буян ухаагаас нааш ирэх замд тэр залуу чинь над руу их л муухай хараад байсан шүү. Тэр лав дотроо намайг үзэн ядаж байсан байх. Тэгэхээр чамд зүгээргүй байх аа» гэж хэлэв.

Тэр хоёрын яриа ингэсхийгээд өндөрлөсөн байна. Гэвч долоо хоногийн дараа Болдоо Гэрлээ рүү утасдаж:
— «Гэрлээ, намайг чамд хайртай гэдгийг чи мэдэж байсан шүү дээ. Тэгээд яагаад Монголд найз залуутай гэж надад хэлээгүй юм бэ? Би Германаас ирсэн учраа чамд худлаа хэлсэн юм. Яг үнэнээ хэлбэл би чамайг л дагаж ирсэн. Чи намайг Батааг хараад ямар байдалд орсныг мэдэж байна уу? Надад Монголд хийх ажил угаасаа байхгүй. Хоёулаа Германд очиж сайхан амьдаръя л даа. Би чамд хайртай. Би чамгүйгээр амьдарч чадахгүй» гэх мэтийн юм яриад эхлэв.

Тэгэнгүүт Гэрлээ түүнийг огт тоолгүй утсаа салгалж орхив. Гэвч Болдоо ахин ярьж:
— «Чи надтай амьдрахгүй юм бол би амиа хорлохоос буцахгүй шүү» гэж хэллээ.

Гэрлээ мөн л эрс няцаагаад утсаа тасалж орхив.

Гэтэл нэг өдөр Гэрлээд нэгэн захиа ирэхэд задалж үзвэл:
— «Чамайг энэ захиаг авах үед би аль хэдийнээ үхчихсэн байх болно. Тэглээ гээ…