Blog

  Хөвсгөл аймгийн Мөрөн хотод найман настай бяцхан охиныг хүчирхийлж, хэрцгийгээр хөнөөж, хийсэн хэргийнхээ ул мөрийг арилгахын тулд цогцсыг мөчилж, цүнхэнд хийн хаясан хэрэгт тус аймгийн харьяат Н.Мөнх-Оргилыг буруутгаж, цаазын ял оноосон байдаг. Шүүхээс түүнд цаазын ял оноосон ч Ерөнхийлөгч асан Ц.Элбэгдорж өршөөл үзүүлж, 25 жилийн хорих ял оноосон билээ. Шүүгдэгч Н.Мөнх-Оргил нь найман настай охины амийг хөнөөхөөс гадна Улаанбаатар хотод гурван охиныг орцонд хүчирхийлсэн, хүчирхийлэхийг завдсан хэргээр буруутгагдсан юм. Талийгаач охин Н.Мөнх-Оргилын ахын хамар хашаанд амьдардаг байсан билээ. Охиныг хөнөөсөн нь эд мөрийн баримт, гэрчийн мэдүүлгээр тогтоогдож, түүнд ял оноосон юм. Хачирхалтай нь, Н.Мөнх-Оргил ганц ч удаа хэргээ хүлээгээгүй бөгөөд одоо хүртэл өөрийгөө “Хилс хэргээр ял эдэлж байгаа” хэмээн ярьдаг аж. Тэгвэл тэрбээр Шүүхийн шийдвэрийн 405 дугаар хорих анги буюу гянданд найман жил хорих ял эдэлж, саяхан Мааньтын хорих руу шилжжээ.

             Энэ талаар эх сурвалж “Н.Мөнх-Оргил гянданд олон жил суусан хоригдлын нэг. Спортоор хичээллэдэг учраас бие нь эрүүл чийрэг юм билээ. Тэрнээс хэр баргийн хүн гяндангаас тэнхээтэй гарч ирдэггүй юм. Мааньтад хорих ял эдэлж байгаад өөр анги руу шилжсэн гэсэн. Одоогоор аль ангид байгааг нь мэдэхгүй. Н.Мөнх-Оргилд найман жилийн биеэр эдлэх ял үлдсэн” гэв.

УИХ-ын гишүүн асан С.Жавхлангийн үзэсгэлэнт гэргий уртын дуучин Г.Эрдэнэчимэг. Монголын үлгэр дуурайл болсон сайхан бүсгүйчүүлийн нэг. Түүнийг нөхрөөсөө са лсан гэх мэдээлэл гарсан бөгөөд одоогоор албан ёсоор салсан уу үгүй юу гэдэг нь нууц байгаа билээ.

Тэрээр цахим хуудаснаа “Хожимоо харамсахгүйн тулд Хорвоог хүссэнээрээ туул” хэмээн нэгэн сайхан зургаа сошиалд нийтэлжээ.

Г.Эрдэнэчимэг нь 1984 онд Архангай аймгийн Булган суманд төрсөн билээ. Арван жилээ төгсөөд тэрээр Архангайд хуваарилагдсан СУИС-ын ганц хуваарийг авч, уртын дууны ангид элсэн орж байсан гэдэг.

Сайхан бүсгүй маань уртын дуучнаас гадна 2007 онд “Оюутан мисс, мистер” тэмцээнд түрүүлж байсан билээ. Монголд миссийн титэм зүүсний дараа Солоност зохиогдсон олон улсын “Мисс мистер”-ийн тэмцээнд оролцож байжээ. Мөн тэрээр 3 хүүхдийн ээж бөгөөд хүүхдүүдээ Монгол ахуйтай ойр өсгөж хүмүүжүүлдэг. Энэ талаар хэвлэлд өгсөн нэгэн ярилцлаганд: Хүүхдүүдээ хэтэрхий тансаг, бэлэн хэрэглээнд автуулахгүй байхыг хичээдэг. Монгол гэрт байлгах гээд байдаг нь тийм л учиртай. Хүүхэд гэрт байхаар гаднаас түлээ оруулах, ус зөөх гэх мэтчилэн ажилд гар бие оролцдог.

Гэрт амьдрахаар хүүхдийг боль, битгий хий гэх үгнүүд маш их багасдаг. Хашаандаа өөрийн дураар явна, заавал тэднийг хөтлөхгүй, өөрийнхөө мэдрэмжээр гармаар байвал гарч, ормоор байвал орох нь зөв гэж боддог. Ер нь хүүхэд гэрт байснаар маш их хөгждөг.

Жишээлбэл, байранд амьдардаг хүүхэд заавал хүний хараа хяналттай, ээж юм уу, аавтайгаа л гарах болдог. Хаашаа явахаа мэдэхгүй хүнд хөтлүүлсэн хүн л болж хувирах гээд байдаг. Манай хүү гэхэд надтай хөтлөлцөж явах дургүй. Хотын төвд өөрийн дураар л явдаг. Энэ нь нэг талаараа өөрийгөө жолоодож сурах арга барил байх. Ямар нэгэн ном сонин уншуулахаас илүү 20 жилийн дараа ямар хүүхэд болж төлөвших алсыг харж хүүхдээ хүмүүжүүлэх нь зөв хэмээжээ.

Дашрамд дуулгахад Г.Эрдэнэчимэг нь Энэтхэгийн Дарамсалад Олон улсын айлчлал хийж яваа аж.

Өдгөө 70 нас хүрээд буй эр  өөрийн төрсөн охиноо бага сургуульд байх үеэс нь эхлэн хэдэн зуун удаа бэлгийн хүчирхийлэл үйлдэж, дахин дахин жирэмсэн болгож, үр хөндүүлж, тэр ч байтугай төрсөн зээ охиндоо хүртэл бэлгийн хүчирхийлэл үйлдсэн түүнд өгсөн 25 жилийн хорих ялыг шударга бус гэж үзэн давж заалджээ. Прокурор мөн ялыг хэтэрхий хөнгөн гэж үзэж, сөрөг давж заалдах гомдол гаргасан байна.

Түүний энэ ичгүүргүй гэмт хэрэг 1985 оноос эхтэй аж. Шүүхийн мэдээлснээр, түүний охин Б нь бага сургуулийн хоёрдугаар ангид сурч байх үед анхны гэмт хэргээ эхлүүлсэн бөгөөд уг гэмт хэргээ 40 жилийн турш үргэлжилсэн байна.

Зөвхөн хууль ёсны дагуу нотлох боломжтой гэмт хэргийн үйлдэл нь хамгийн бага тоо 277-д хүрсэн байна. Тухайн үеийн нийгмийн нөхцөл байдал болон Б-ийн насыг харгалзан үзвэл гэмт хэрэг бүрийн нотлох баримтыг бүртгэл, бичлэгээр цуглуулахад хэцүү байсан байна. 

Энэ хугацаанд ааваасаа жирэмсэн болж, үр хөндүүлэх шаардлагатай болсон бөгөөд эцэст нь 2012 онд төрсөн байна.

Тэрбээр зээ охиноо арван нас хүрэхээс нь өмнө олон жилийн турш бэлгийн хүчирхийлэл үйлдсэн байна.

Аавынхаа гаж үйлдэлд 40 гаруй жил дарлагдсан бүсгүй нийгмээс тусламж хүсэж, шүүхэд ханджээ. 
Хэргийн мөрдөн байцаалтын явцад “Би согтуу байсан болохоор санахгүй байна” гэж гэмт хэргээ үгүйсгэж, ялыг мөн үгүйсгэсэн байна. 

Солонгосын Тэжон хотын шүүхийн зүгээс ДНХ-ийн шинжилгээ, нотлох баримт болон хохирогчийн мэдүүлгээс үндэслэн гэм буруутай гэж тооцон түүнд 25 жилийн хорих ял оноосон байна.

Бүсгүйг бэлгийн хүчирхийллийн талаар удаан хугацаанд мэдээлээгүйтэй холбогдуулан шүүх түүний “өөрийгөө хамгаалах цорын ганц арга зам бол дуулгавартай байх явдал гэж бодож байсан” гэсэн мэдэгдлийг хүлээн авсан байна.

Гэмт этгээд давж заалдах гомдол гаргасан бол прокурорын тал 25 жилийн ял нь хэтэрхий богино гэж маргаад байна.

Давж заалдах шатны шүүх хурал дээр ч гэмт этгээд үйлдсэн гэмт хэргээ үгүйсгэж, “миний охин намайг мөнгө өгөөгүй учраас хилсээр гүтгэсэн” гэжээ.

Шүүх түүнийг “Гэмт хэргийн мөн чанар нь маш аймшигтай бөгөөд тэрбээр 40 жилийн турш хамгаалж, өсгөх ёстой байсан өөрийн охиноо хүчирхийлж, тэр ч байтугай өөрийн зээ охиноо хүчирхийлж байсан” гэж мэдэгдэв.
 

Дөрөвдүгээр сарын 7-ноос 8-нд шилжих шөнө Сонсголонгийн гүүр орчимд хүн итгэхийн аргагүй аймшигт хэрэг гарч, цагдаагийн байгууллагад бүртгэгджээ. 23 настай эмэгтэй өөрийн 8 сартай хүүхдээ хутгалж, амь насыг нь хөнөөхийг завджээ. Улмаар өөрийнхөө судсыг ханаж, амиа хорлох үйлдэл хийсэн байна. Тухайн эмэгтэй одоогоор эмнэлэгт ухаангүй байдалтай хэвтэн эмчлүүлж байгаа бөгөөд хэргийн мөрдөн шалгах ажиллагаа эрчимтэй үргэлжилж байна. “Эх хүн ямар шалтгааны улмаас ийм алхам хийв? Төрсний дараах сэтгэл гутрал уу, эсвэл өөр хүчин зүйл үү?” гэх асуулт олны анхааралд байна. #Сэрэмжлүүлэг #НоцтойМэдээ #Яаралтай #Сонсголон #ЦагдаагийнМэдээ

Баянзүрх дүүргийн нутаг дэвсгэрт хөрш айлынхаа эрэгтэйг хүчирхийлсэн гэх хэрэг гарчээ. Хэргийг тодруулбал, энэ сарын 5-нд 22 настай хохирогч залуу цагдаагийн байгууллагад “Зүс таних хөрш айлын залууд хүчирхийлүүллээ” хэмээн гомдол гаргасан байна. Мэдээллийн дагуу цагдаагийн байгууллагаас шалгалтын ажиллагааг явуулахад Орхон аймгийн харъяат, 25 настай Б нь согтуурсан үедээ 22 настай залууг хүчирхийлсэн байж болзошгүй нөхцөл тогтоогдсон аж.

Тус хэргийн талаар ЦЕГ-ын хэвлэл, мэдээллийн төвөөс тодруулахад “Ийм хэрэг гарсан нь үнэн. Хэргийг Баянзүрх дүүргийн цагдаагийн хоёрдугаар хэлтэст шалгаж байна” гэлээ.

Төрсөн хүүгээ зодож хөнөөгөөд, цогцсыг нь нууж булсан хэргийг цагдаагийнхан илрүүлжээ. Тодруулбал, Ховд аймгийн Буянт сумын иргэн Г нь 2022 онд сураггүй алга болжээ. Түүний алга болсон байдал нь сэжигтэй байсан тул цагдаагийн байгууллагаас мөрдөн шалгах ажиллагааг явуулсан байна.

Улмаар мөрдөн шалгалтын явцад сураггүй алга болсон гэх Г-г нас барсан болохыг тогтоож, түүний цогцсыг олсон аж.

Уг хэргийг түүний төрсөн эцэг 41 настай Б нь 2022 онд хувийн таарамжгүй харьцааны улмаас зодож амь насыг нь хохироосон болох нь илэрчээ.

Ингэхдээ тэрбээр эхнэрээ айлган сүрдүүлж, найз болон өөрийн хүргэн нартай үгсэн тохиролцож, хүүгийнхээ цогцсыг нууж булсан болох нь тогтоогджээ.

Сэлэнгэ аймгийн Сүхбаатар суманд нэг айлын 6 хүн байшинтайгаа шатаж нас барсан харамсалтай үйл явдал болжээ. 1-4 дүгээр ангийн хүүхдүүд аав ээжтэйгээ байсан байна. Гүн эмгэнэл илэрхийлье. Эх сурвалж: Сэлэнгэ телевиз

Өнгөрсөн шөнө Дарь-Эхэд гэр бүлийн маргааны улмаас 30 настай эмэгтэйг 4 настай охиных нь хамт хөнөөсөн НОЦТОЙ хэрэг гарчээ.

Тодруулбал, Цагдаагийн байгууллагад 2026.01.04-ний өдрийн 23.00 цагийн орчимд БЗД-ийн 27 хорооны нутаг Дунд дарь эх ….. тоотод “манай эхнэр нас барсан байна” гэх мэдээлэл бүртгэгдсэн.

Дуудлага мэдээллийн дагуу шалгалтын ажиллагааг явуулахад 30 настай, эмэгтэй М, 4 настай, эмэгтэй А, 3 настай, эмэгтэй, А нарын биед мэс ашиглан халдаж, М, 4 настай А нарын амь нас хохирсон болох нь урьдчилсан байдлаар тогтоогдоод байна.

Дээрх хэрэгт Цагдаагийн байгууллагаас ажлын хэсэг байгуулан иргэн 48 настай эрэгтэй Б-г холбогдуулан шалгалтын ажиллагаа явуулж байна.

Албан бус эх сурвалжийн мэдээллээр охины хамт амиа алдсан 30 настай эмэгтэй 8 сартай ЖИРЭМСЭН байсан гэх бөгөөд  хажуугийн хөрш нь гэмт хэрэг үйлдсэн байж болзошгүй байгаа аж.

Өнгөрсөн шөнө Баянзүрх дүүрэгт аймшигт аллага болжээ

30 настай эмэгтэйг 4 настай хүүхдийнх нь хамтаар амь насыг хохироосон хэрэг гарчээ

Мөн 3 настай хүүхдийнх нь биеийн байдал хүнд байгаа юм байна

Уг хэрэгт 48 настай иргэн Б-г холбогдуулан шалгаж байгаа талаар цагдаагийн байгууллагаас мэдээлж байна

Хэргийг үйлдсэн байж болзошгүй 48 настай Б гэгч нь хөрш айлынх оршин суугч, сэтгэцийн өвчтэй нэгэн гэн мэдээллийг зарим эх сурвалжууд өгч байна